الرئيسية » مقالات » العيد ! (حديث الكوستر)…د. قاسم بلشان التميمي

العيد ! (حديث الكوستر)…د. قاسم بلشان التميمي

سايق الكوستر فرحان الغضبان قال للعبرية ( والله ياعمي السياسيين الحاكمين حيل وكلش يفتهمون)، فقال له الركاب ( عيوني فرحان ما تفسر وتشرح شلون يفتهمون )، فرد عليهم فرحان الغضبان ( يابه الحكام والسياسيين يفتهمون لان جعلوا ايامنا سودة ومصخمة وابد ما شفنه راحة وسعادة وابد ما كو اعياد)، فرد عليه احد الركاب ويدعى ابو حقي قائلا( عيني فرحان اذا هم هيج هاجمين البلد ، لعد انت شلون دكول يفتهمون)، فرد عليه فرحان الغضبان ( عيني ابو حقي لأن العيد يريد مصاريف اهواية مثل لازم تشتري ملابس جديدة للجهال وايضا الى ام الجهال ولازم تنطي عيديات وكذلك ترتفع الاسعار وايضا هوسة الخطار وياحافظ وياستار من اهواية امور، لذلك ولله الحمد ، ايامنا مو اعياد والفضل يعود للحكام والسياسيين المحنكين !!)،فقال الركاب بصوت واحد يارب اجعل ايام السياسيين والحكام كلها اعياد ولكن على طريقة فرحان الغضبان( سودة ومصخمة).

اضف رد

لن يتم نشر البريد الإلكتروني . الحقول المطلوبة مشار لها بـ *

*